Репертуар

«Soli Deo Gloria» неоклассикалық балеті – басты кейіпкердің көңіл-күйі мен сезімін суреттейді. Жұмыр жердегі бейнесімен қош айтысқан соң, адам жаны бір кездері қол үзіп қалған сүйіктілерімен, жақындарымен қайта қауышатын Кеңістікке қадам басады.

«Жеті қазына» балеті отбасылық құндылықтар, ержүректік, достық, махаббат, бабалар мұрасы, адалдық пен мәрттік сынды өзекті мәселелерді суреттейді. Балеттің қоюшы-балетмейстері «Ашық сахна» І Республикалық байқауының жеңімпазы – Уәлитбек Сиязбек.

«Кармен-сюита» - ХХ ғасырдағы балет өнерінің қайталанбас үлгісі саналады. Еркінді ту еткен, сезімі албырт Карменнің хикаясы талай балетмейстердің шабытына қанат бітіріп, ал, ең мықты балериналар осы партияны орындауға құштар.

"Астана Балет" Театрының сахнасында Ежелгі Грекия мифінің интерпретациясы ұсынылады. Неоклассика мәнерінде қойылатын балеттің модерн белгілері де бар.

«Астана Балет» театрындағы «Жібек жолы» (Бейбітшілік биі) екі актілі балетінің премьерасы жібек өндірісінің пайда болуы мен оның Ұлы жолы жайлы баяндайды. Бұл - таңғажайып гипноз құдіретіне ие, медитация іспетті балет.

"Жолдан тайғандар" заманауи балетінің шедеврінің премьерасы, сондай-ақ "Тағдыр бұлтарыстары" бір актілі балетінің көрсетілімі өтеді.