«Touch the Light»
премьерасы
Қоюшы-хореограф: Илья Живой
Музыка: Филип Гласс
Бейнебезендіру бойынша суретші: Покрас Лампас
Костюм суретшісі: Соня Вартанян
Жарық суретшісі: Константин Бинкин
Қоюшы-суретшінің көмекшісі: Алексей Танцырев
«Астана Балет» сахнасында биылғы маусымның жарқын премьерасы – заманауи балеттің үйреншікті емес пластикасын шығарушы ретінде танылған Илья Живой хореографиясымен қойылған «Touch The Light» балеті көрсетіледі. Қойылымның басты ерекшелігі – заманымыздың әйгілі каллиграфы Покрас Лампас каллиграфиясы. Суреттегі би пластикасын қолмен салып, каллиграфияны экранға шығарған. Ал, оны хореографиямен және композитор Филип Гласс музыкасымен үйлестірген.
Touch the Light – музыка, сән, стрит, арт, каллиграфия мен неоклассикалық би түйіскен тұсындағы перформанс. Алты биші адам бойындағы ішкі сәуле, оның жаны туралы және осы дүниеден өз орныңды табу жайлы әсерлі әңгімені сахналайды.
«Сәуле әрқайсымыздың бойымызда бар әрі бұл жалын ғаламның сыйы. Бұл қабілет жүректі тербеп, тағдырлы шешімдер қабылдап, сиқыр жасауға мүмкіндік береді. Бұл жай ғана ұшқын болсын, алаулаған жалын болсын мейлі, оған бір табан жақындағың келсе өзгенің еш мәнісі жоқ...».
Сонымен қатар, кеш бағдарламасында «Love. Fear. Loss» және «Жолдан тайғандар» атты заманауи балеттер көрсетіледі.
«Love. Fear. Loss»
Музыка – Наталья Чепуренконың өңдеуіндегі Эдит Пиаф, Шарль Дюмон және Жак Брель шығармалары
Идея, хореография және костюмдер - Рикардо Амаранте
Балеттегі үш дуэт француз әншісі Эдит Пиафтың ғажайып өмірі мен ғаламат әндеріне негізделген. Әйгілі әншінің әндерінен тағдырын тануға болады. «Махаббат ұраны» әні кез-келген адамның сезімге алғаш еліткен шақтағы буырқанған сезімін суреттейді. Уақыт өте оның әндерінде ғашық жандардың екеуара түсінісуден қалып жататыны айтылып, мұңлы сарын басым бола бастайды. Мұны «Тастама мені» әнінен тануға болады. Ал, жақыныңнан айырылған тұста тұла бойыңды кернеген күйік «Жаратқан ием» әнінде өрілген. Эдит Пиаф күйеуі мезгілсіз қаза тапқан соң, ол үшін дүниенің қызығы қалмайды. Осы әннен әншінің ішкі тебіренісін, қос ғашықты айырған сұм ажал әкелген қасіреттің тереңдігін сезінесіз...
«Жолдан тайғандар»
Музыка – Стивен Райх
Хореография – Иржи Килиан
Қоюшы – Стефан Жеромски
Бұл – чех хореографы Иржи Килианның «Ақ-қара түсті балеттер» бағарламасына енген туындысы. 30 жылдан астам уақыт өтсе де, оның дүниежүзінің түрлі театрларында сахналап келеді. Килиан спектакльдерін репертуарына қосуға дүниежүзінің үздік театрларының бәрі асық. Ал, бишілер оның хореографиясын орындауды абырой санайды.
Иржи Килиан хореографиясы мен Стивен Райхтың барабаншылар композициясының үндестігінің нәтижесінде сегіз балеринаның ғажайып биі пайда болды. Ал, хореографтың өзі: «Falling Angels – біздің мамандық туралы балет» дейді. Бір атап өтерлігі, оның туындысы ғажайып музыкалық әуездігімен, монохромдық эстетикасымен және бидің әлемдік дейгейімен ерекшеленеді. Килианның балеті – сан-түрлі сезімдердің бұлқынысы іспетті: сезімтал әрі ғажайып би пластикасы өн бойыңызды баурап әкетеді.