Қостанай қаласына гастрольдік сапар: «Кармен-сюита» және «Тағдыр бұлтарыстары»

«Кармен-сюита» – ХХ ғасырдағы балет өнерінің жауһары. Еркіндікті сүйетін, албырт Кармен өмірі көптеген балетмейстерлерге шабыт дарытып, ең мықты балериналар бұл партияны орындауға асық.

Жордж Бизенің әйгілі «Кармен» операсының хореографиялық интерпретациясы Майя Плисецкая үшін арнайы жасалған еді. Опера тақырыбындағы музыкалық транскрипцияны композитор Родион Щедрин жазып шықты. Ол ұлы опера мен Проспер Мериме новелласының нәзік психологиялық нюанстарын музыка әуезі арқылы жеткізуде һас шеберлігін танытты. Кейіпкерлердің арман-мұратын, ішкі сезімін кубалық балетмейстер Альберто Алонсоның жарқын әрі бірегей хореографиясы да көрермен жүрегіне жеткізіп, би өнерін сүйер қауым үшін «Кармен-сюита» сүйікті балетке айналып, үздік театрлардың сахна төрінен орын алды.

«Тағдыр бұлтарыстары»

Музыка, либретто Карина Абдуллина, Қазақстанның еңбек сіңірген қайраткері Қоюшы-балетмейстер Мукарам Авахри, Қазақстанның еңбек сіңірген қайраткері

Таро – Жаһан секілді жұмбақ, сырға толы әрі шексіз. Оларда шифрланған символизм тек бастамашылар ашқан құпия білімнен бастау алады. Таро – ақиқаттың дәні бар ақыл қаруы; зор білімнің шырақшысы. Оны тек таңдаулылар ғана тани алады. Адамзаттың өзін-өзі тану жолындағы зор қазынаның кілті осында жатыр.

Бес ғасыр бойы Таро өзінің мистикалық-аллегориялық символизмімен тарихшыларды, суретшілерді, ақындарды, енді, міне, хореографтарды да қызықтырып, көңілін жаулап алды. Таро – адамзаттың болмысын аша отырып, сан қырлы, әсем әлемнің да сырына бойлайтын ілім. «Тағдыр бұлтарыстары» қазіргі заманғы хореография тілімен суреттелген жиырма екі жете сюжеттен құралып, бәрі бірлесе келе тұтас бір дүниеге айналған қойылым.

«Астана Балет» спектакльдерін туған қалаңызда тамашалау мүмкіндігін пайдаланып қалыңыз!