«Астана Балет» театры көрерменіне жаңа және көпшілік ұнатқан спектакльдерді көрсетіп келеді. Қаңтардың 25-26 күндері П.И.Чайковскийдің музыкасына қойылған «Шерткіш» балеті, ақпанның 8-9 күндері «Күлше қыз», ал, ақпанның 29 күні заманауи хореографияны ұнатушылар «Astana Ballet presents» бағдарламасын тамашалай алады.
«Шерткіш» балетіне билеттер сатылып қойғанымен, қысқа мерзім ішінде, көрермен көзайымына айналған, ересектер мен балалардың көз қуанышы болған балетке билет алу мүмкіндігі бар.
«Күлше қыз» - Сергей Прокофьевтың музыкасына хореограф Надежда Калинина «Астана Балет» Театрына арнап қойған екі көріністі балет. Көрермен қауым қоюшы-суретші Сергей Новиковтың сахнаны безендіруіне тәнті болды. Мұнда жарық пен бейне көрсетілім балетмейстердің хореография тілімен үндесіп отыр.
Көрсетілім кезінде, Күлше қыз партиясын Қазақстанның еңбек сіңірген қайраткері Татьяна Тен, Назерке Аймұхаметова және Дарина Қайрашева; ал, Ханзаданы – Қазбек Ахмедияров, Сүндет Сұлтанов пен Фархат Бөриев сомдайды.
Театрдың бас балетмейстері айтпақшы, премьераға дайындық барысында көп күш жұмсалғанымен, Театрдың барлық қызметкерлері жұмыла еңбек етті.
«Әртістер, сахна механиктері, бәрі-бәрі аянбай еңбек етті. Күн тәртібі тығыз болды, уақытынан артық жұмыс істедік. Дегенмен, бәрі бір мақсатқа жұмыла кірісті. Яғни, көрерменімізге мәңгілік ертегінің ғажайыбын паш еткіміз келді», - дейді Мукарам Авахри.
«Astana Ballet presents» бағдарламасына неоклассика мәнерінде жасалған үш бір актілі балет енген: Иоганн Себастьян Бах музыкасына Дж.Баланчин қойған «Concerto Barocco», Р.Ребек «A Journey of Memory» және Н.Фонте «Love’s Lost Idols». «Астана Балет» театрын даралап тұрған дүние – әртістер классика мен ұлттық хореографиядан бөлек, заманауи би бағыттарын еркін меңгерген. 29 ақпанда көрермен қауым ХХ ғасырдың неоклассикалық мұрасы, қазіргі хореография өнерінің шоқтығы биік туындылары саналатын балеттерді тамашалай алады.
Бұдан бөлек, 19-23 ақпанда «Астана Балет» Театры Алматыдағы Абай атындағы МАОБТ сахнасында өнер көрсетеді.