2020 жылдың 4-5 желтоқсан күндері «Астана Балет» театрында «Сұлтан Бейбарыс» қойылымының премьерасы өтеді. Қойылымның негізі - Мысыр мен Сирияның мәмлүк сұлтаны болған Бейбарыстың тағдыры. Тағдырдың қалауымен бала туған үйінен жырақтап, алдамалы жалдамалы жауынгер-мәмлүк болу үшін құл базарында сатылды. Әскери істе табысқа жеткен Бейбарыс уақыт өте келе әскерді ғана емес, бүкіл елді басқарған. Осылайша тарихтағы жаңа белесті бастаған.
Ал балетті қоюға Қазақстанның талантты өнер қайраткерлері ат салысты. Мысалы, либреттоны ақын, ҚР еңбек сіңірген қайраткері Бақыт Қайырбеков жазса, Хамит Шанғалиев пен Әлібек Әлпиев музыкамен әрледі. Қоюшы-хореограф Мукарам Авахри - ҚР еңбек сіңірген қайраткері, «Астана Балет» театрының бас балетмейстері. Қоюшы-хореографтың көмекшісі - Айжан Жүнісова. Сондай-ақ қойылымға халықаралық жобаларымен танымал, шетелдік білікті мамандар сценограф және қоюшы-суретші Леонид Басин пен костюмдер әрлеушісі Ася Соловьева ат салысты.
«Балет пен ұлттық биді дамыту және қолдау» қорының тарихи балет қою туралы идеясы "Самұрық-Қазына" АҚ қолдауымен жүзеге асырылуда.
Қоюшы-хореограф Мукарам Авахридің айтуынша, бізге таныс сюжетті жаңа формада қоя отырып, таңсық ойларға жетелейді.
«Сұлтан Бейбарыс» балетінің дайындағы бір жыл бұрын басталған еді, бірақ короновирус пандемиясына байланысты премьераны бірнеше рет кейінге қалдыруға тура келді. Жоба авторлары балет көрерменге жол тартқанға дейін түрлі қызықтарды айтып, қазақ өнер әлеміне жаңа форматтағы дүние болатынын айтады.
Премьера 4-5 желтоқсан күндері «Астана Балет» театрында барлық санитарлық нормаларды сақтай отырып өтеді. Адам саны шектеулі және маска тағу міндетті.
Балеттің премьерасы қарсаңында болашақта елдің барлық театр орындарын біріктіруге және оның қоғамдағы рөлін кеңінен насихаттауға арналған vteatre.kz жаңа пилоттық платформасының іске қосылуы туралы да айтылуда.