2-қазанда Халықаралық балет күні аталып өтеді. Осы күні әлемнің жетекші театрлары онлайн-трансляция өткізіп, балет әлемінің қыр-сырымен бөліседі. Осы мерекелік күннің қарсаңында, «Астана Балет» Театры бұған қосыша, «Ашық есік күнін» өткізбекші. 30-қыркүйтек, сағат 12:00 кез-келген жан театрға келіп, би өнерінің ғажайып әлемімен таныса алады.
Келушілерге Astana Ballet фотокөрмесі көрсетіледі. Авторы – Ресей фотосуретшілер одағының мүшесі, «Балет аумағы» жобасын жүзеге асырған Алексей Кривцов. Танымал шебердің объективіне түскен бишілердің болмыс-бітімін тануға болады. Оның жұмыстары көптеген елдердің жеке коллецияларында, тетар фойелерінде қойылып, көрермен қошеметіне бөленіп келеді.
Сонымен бірге, көрермен залына кіріп, америкалық неоклассиканың негізін қалаушы Джордж Баланчиннің шығармашылығына арналған дәрісті тыңдауға болады. Оның «Кончерто Барокко» атты туындысы таяу күндері «Астана Балет» Театрының сахнасында көрсетілетін болады. Сонымен бірге, осы шараға қатысушылар, премьерасы қазанның 4 мен 5 күндері өтетін спектакльдің репетициясын тамашалай алады.
«Ашық есік күні» акциясына байланысты түбегейлі ақпаратты «Астана Балет» Театрының әлеуметтік желідегі парақшасынан алуға болады.
Басталуы: 30 қыркүйек, сағат 12:00.
Ұзақтығы: 1,5 сағат
Кіру тегін. Алдын ала тіркелу қажет.