Қазақстанның еңбек сіңірген қайраткері, «Астана Балет» театрының жетекші солисті Татьяна Тен, жетекші солист Дилара Шомаева, сонымен бірге, жетекші солист, ұстаз-репетитор, "Құрмет" орденінің иегері Қазбек Ахмедияров «Халық алғысы» құрмет маделімен марапатталды.
Татьяна Тен, Қазақстанның еңбек сіңірген қайраткері, жетекші солист
Дилара Шомаева, жетекші солист
Казбек Ахмедьяров, жетекші солист, ұстаз-репетитор
Марапаттау рәсімін онлайн форматта ҚР Мәдениет және спорт министрі Ақтоты Райымқұлова өткізді. Атап өтерлігі, «Халық алғысы» медалімен марапатталатындар коронавирус инфекциясымен күресте ерекше көзге түскен азаматтар: дәрігерлер, полицейлер, әскерилер, волонтерлар, меценаттар, БАҚ өкілдері, сонымен бірге, осы күрделі кезеңде халықты қолдауға бағытталған түрлі жобаларға белсенді ат салысқан мәдениет саласының қызметкерлері.
«Астана Балет» театрының ұжымы әртістерді осы марапатымен құттықтап, кәсіби жетістіктер тілейді!