12 желтоқсан, Тәуелсіздік күнінің қарсаңында «Астана Балет» Театрының шығармашылық тобына мемлекеттік наградалар табысталып, атақ берілді.
Мемлекет Басшының Жарлығы Ақорданың ресми сайтында жарияланды. «Астана Балет» Театрының солисті Татьяна Тен - Қазақстанның еңбек сiңiрген қайраткерi атағына ие болды.
Татьяна Тен – балет әртістерінің халықаралық байқауларының жүлдегері, «Ла Скалада» (Милан, Италия) тағылымдамадан өткен, К.Бәйсейітова атындағы Ұлттық опера және балет театрында, «Балет дю Капитоль» француз театрында еңбек етті. 2016 жылдан «Астана Балет» Театрының труппасында.
«Астана Балет» Театры грим цехының меңгерушісі Валентина Яковенко "Ерен еңбегі үшін" медалімен марапатталды.
- Тәуелсіздік жылдары қазақстандық әртістер, өнер қайраткерлері халықаралық дәрежеде таныла бастады. Осы уақыт аралығында біздің балет, опера өнері, жалпы, орындаушылық өнер асқар биіктерді бағындырды. Осы өнер салтанатына менің де титтей болсын үлесім тиіп жатқанын мақтан тұтамын, - дейді, Татьяна Тен.