Мухамедова Дина Ходжамуратовна

Оркестр әртісі (бірінші скрипкалар)

2002–2006 жылдары Алматы қаласындағы А. Жұбанов атындағы Республикалық мамандандырылған музыкалық мектеп-интернатында білім алған. 2006–2011 жылдары Қазақ ұлттық музыка академиясында, 2011–2015 жылдары Қазақ ұлттық өнер университетінің колледжінде оқуын жалғастырған. 2015–2019 жылдары профессор С. О. Сырлыбаевтың сыныбы бойынша бакалавриатты, ал 2019–2021 жылдары Қазақ ұлттық өнер университетінің магистратурасын тәмамдаған. 2018–2019 жылдары Барселонадағы Каталония жоғары музыка мектебінде (ESMUC) профессор Ева Граубиннің сыныбында білім алған.

Оркестрлік қызметін 2011 жылы Қазақ ұлттық өнер университетінің камералық оркестрінде екінші скрипкалар тобының концертмейстері ретінде бастаған. 2015–2019 жылдары Еуразиялық симфониялық оркестрдің бірінші скрипкалар тобы құрамында өнер көрсеткен. Central Asian Youth Orchestra жобасына және 2018–2019 жылдары Барселонадағы ESMUC Jazz Project жобасына қатысты. 2017 жылы Астанадағы EXPO аясында No Mad Karma тобының «The Doctor» композициясында авторлық скрипкалық солосын орындады.

С. И. Кравченко, А. Е. Винницкий, Яков Гильман, Антон Сороков және Илья Калер сынды танымал музыканттардың шеберлік сабақтарына қатысты. Еуропа, Азия және АҚШ-тағы концерттік алаңдарда, соның ішінде Мәскеу мемлекеттік консерваториясының Үлкен залында, Konzerthaus Berlin, Wiener Konzerthaus, Royal Festival Hall, Saban Theatre, Seoul Arts Center, L’Auditori және Pallas Theatre сахналарында өнер көрсетті.

2021 жылдан бастап «Астана Балет» театры оркестрінің әртісі болып жұмыс істейді.